42 епизода „ТАЈНАТА СОСТОЈКА“

42 епизода „ТАЈНАТА СОСТОЈКА“

СЦЕНА

Во домот на Роберт

Никола чука на вратата

РОБЕРТ: Никола, што се случило?

НИКОЛА: Мораш да ми помогнеш. Време е да ја направиме промената.

РОБЕРТ: Јас се обидов. Направив се што можев.

НИКОЛА: Не, тоа не е доволно, мораме да продолжиме. Емилија мора да продолжи да се бори против мајка ми тоа е единствената шанса.

РОБЕРТ: Знам, но јас направив се. Не знам што друго можам да направам. Јас во минатото бев лош човек, сега не можам да направам нешто друго, не можам да се променам... Никола, јас сум болен и времето кое ми останува пред да умрам сакам да го поминам со татко ми.

НИКОЛА: Со Богдан.

РОБЕРТ: Да, гледаш дека ти си паметно момче. Јас не можам да продолжам со операцијата „Змиско око“ морам да престанам. Сега се е под твоја одговорност малечок.

СЦЕНА

Во лабараторија

Кристијан и Сузана се облечени во бели мантили, на сите страни има епрувери и разни лабараториски прибори со кој се вршат разни мерења. Во неколку епрувети има течности во разни бои.

СУЗАНА: Сакам да направиме моќен отров.

КРИСТИЈАН: Отров?

СУЗАНА: Да биде толку моќен што само со една капка може да усмрти.

КРИСТИЈАН: Но... ние не се договоривме..

СУЗАНА: (Го прекинува) Ние јасно се договоривме. Ти ќе ми помогнеш мене, а јас тебе. Сега да започнеме. (Започнуваат да претураат од една во друга епрувета, после неке време започнува да чури епруветата)

КРИСТИЈАН: Не успеавме. Невозможно е!

СУЗАНА: Нема нешто да е невозможно. Ќе се обидеме повторно.

КРИСТИЈАН: Но зошто ти е овој отров?

СУЗАНА:  Тоа не е твоја работа..започни да работиш. (Кристијан продолжува да работи.)

СЦЕНА

Во ресторанот „Кај Трајанка“

Даниел и Емилија разговараат

ДАНИЕЛ: Сакаш да бараш старателство?

ЕМИЛИЈА: Да, зошто се изненади толку? Никола е мој син, јас имам право на тоа.

ДАНИЕЛ: Секако дека имаш право на тоа. Но ти изгледа дека заборави која е всуштност неговата старателка. Сузана, градоначалничката.

ЕМИЛИЈА: Па што? Таа жена има направено голем криминал, мора да се соочи со последиците.

ДАНИЕЛ: Имаш ли доказ. Доказ дека направила нешто незаконско.

ЕМИЛИЈА: Немам но..

ДАНИЕЛ: Нема да можеме да направиме ништо на суд без доказ. Судот нема да ја промени одлуката. Таа е моќна жена, има врски и нема да дозволи некој да и го земе Никола.

ЕМИЛИЈА: Но што можам да направам јас.

ДАНИЕЛ: Најдобро е да најдете некој заеднички начин со кој ќе можете да го надминете проблемот. Зошто ако продолжите вака со оваа ваша војна единствениот кој што најмногу ќе настрада е Никола.

ЕМИЛИЈА: Никола досега многу има страдано.

ДАНИЕЛ: Зарем навистина мислиш така?

ЕМИЛИЈА: Сакаш да ми кажеш дека тој е среќен со нејзе.

ДАНИЕЛ: Не, не сакав да ти го кажам тоа. Само сакам да ги споредиме фактите. Додека не беше дојдена во градот, Никола редовно доаѓаше на терапија, не остнуваше ден а да не појде на училише. Откако дојде ти тој се промени, започна да бега од терапија, почна да бега од часеви, се промени и тој.

ЕМИЛИЈА: Но не знам дали можам да и поверувам на Сузана. Таа може да му наштети.

ДАНИЕЛ: Верувај, Сузана можеби е најмоќната жена но таа никогаш не би му наштетила на Никола.  Таа може да им наштети на сите но на Никола не.

СЦЕНА

Во лабараторија

Кристијан е при крај со експериментот, течноста која ја доби е многу силен отров и има виолетова боја

КРИСТИЈАН: Готово е.

СУЗАНА: (Се насмевнува) Величенствено, време е да завршиме со сите непријатности кој ни беа зададени.

КРИСТИЈАН: Сакам да ми ја вратиш ќерката, колку е можно побрзо.

СУЗАНА: Полека, не се брзај. Договорот беше најпрво да ја завршиме мојата работа, а потоа ќерката. Стрпи се.

СЦЕНА

Во кујната на Сузана

Сузана прави зелник. Започнува да сече коприви, го растегнува дестото, додава масло, со маслото ја додава и состојката која ја направи со Кристијан. Потоа тепсијата ја става во рерна

СЦЕНА

Пред куќата на Сузана

Доаѓа Емилија за да разговара со Сузана

СУЗАНА: Г-це Емилија. Какво изненадување?

ЕМИЛИЈА: Сакам да разговараме.

СУЗАНА: Секако. Повели влези. (влегуваат внатре) Чувствувајте се како дома.

ЕМИЛИЈА: Видете. Јас знам дека ова е навистина тешко но мораме да започенеме од почеток.

СУЗАНА: Што сакате да кажете?

ЕМИЛИЈА: Време е да ја завршиме оваа војна помеѓу нас. Не сакам никој да страда.

СУЗАНА: Конечно во нешто да се согласуваме и двете.

ЕМИЛИЈА: Затоа одлучив.

СУЗАНА: Што одлучивте?

ЕМИЛИЈА: Заминувам од градот. (Сузана ја гледа изненадено) Сакам да почнам од почеток. Никола ќе го оставам со вас, но имам некои услови.

СУЗАНА: Ве слушам.

ЕМИЛИЈА: Сакам да ми дозволите да можам да се гледам со него во текот на неделата и за викенд.

СУЗАНА: Не е кој знае што, но можеме да се обидеме. (се слуша звукот од рерната) Се извинува, дојдете со мене, изгледа дека јадењето е готово.

СЦЕНА

Во кујната

Сузана го вади зелникоѕ од рерната и го остава на масата

СУЗАНА:  Во ред, г-це Емилија, мислам дека ќе биде добро да се обидеме со тоа што вие го сакате. Се надевам дека нема да има проблеми во иднина.

ЕМИЛИЈА: Јас само го сакам најдоброто за Никола. Нема да дозволам да му се случи нешто лошо.

СУЗАНА: Исто и јас.

ЕМИЛИЈА: Во ред.. Јас си одам сега. (заминува)

СУЗАНА: Г-це Емилија. Дојдете, ќе ви завиткам малку од зелникот за по пат. (и витка едно парче) Се надевам дека ќе ви се допадне, правен е по стар рецепт но со моќен вкус.

ЕМИЛИЈА: Ви благодарам.

СЦЕНА

Во продавницата на г-дин Мартин

Сузана и Мартин разговараат

СУЗАНА: Ти не сакаше да ми помогнеш но јас најдов друг кој е спремен на се.

МАРТИН: Зарем не разбираш. Сето ова шро го правиш еден ден ќе се врати.

СУЗАНА: Нема ништо да се врати.

МАРТИН: И што направи овој пат?

СУЗАНА: Направив силен отров, од само една капка може да се отруеш.

МАРТИН: Дали знаеш дека тоа со себе носи последици.

СУЗАНА: Какви последици може да има. Ќе го изеде тоа што и го дадов и крај на приказната. Таа ќе си замине од овој свет, а јас ќе продолжам со мојата кариера.

МАРТИН: Што и да се случи јас немам никаква врска со тебе.

СУЗАНА: Секако дека немаш. Да имаше врска повеќе немаше да бидеш тука во оваа скапана продавница, ќе беше човек како мене.

МАРТИН: Подобро да останам тука одколку да дојдам и да се направам злобен и подмолен како тебе.

СУЗАНА: Нашето заврши. Цената за плаќање нема никогаш да ја добијам. Ете гледаш повторно јас победив. (Заминува)

МАРТИН: Збогум градоначалничке.

СЦЕНА

Во куќата на Софија

Емилија си ги пакува куферите, парчето јадење кое и го даде Сузана е на масата, доаѓа Никола

НИКОЛА: Што правиш?

ЕМИЛИЈА: Мислам дека е време да продолжам понатаму. Заминувам.

НИКОЛА: Не, неможеш да го направиш тоа?

ЕМИЛИЈА: Морам, а бидејќи неможам да те земам со мене, ќе останеш со Сузана. Но ние ќе продолжиме да се гледаме.

НИКОЛА:  Но ти не разбираш. Мораш да останеш, ти си единствената која може да ја промени нашата судбина. Ти можеш да и се спротивстваиш на градоначалниката.

ЕМИЛИЈА: Никола, таа нема да ти направи ништо лошо.

НИКОЛА: Секако, мене нема да ми направи ништо, но тебе ќе те убие.

ЕМИЛИЈА: (Паѓа на колена пред него и почнува да плаче) Никола..

НИКОЛА: Ќе те убие зошто занеш премногу работи, таа се плаши. Не е толку моќна како што се претставува. (Никола ја гушнува)

НИКОЛА: Те молам не оди си. (почнува да плаче)

ЕМИЛИЈА: Решив, морам да си  одам, и те молам немој да плачеш. (Никла погледнува кон масата и го здогледува парчето)

НИКОЛА: Што е тоа? (доаѓа до јадењето)

ЕМИЛИЈА: Ах, тоа. Ми го даде Сузана. Сакавме да останеме во добри одности, заради тебе.

НИКОЛА: Зарем не зфаќаш. Сигурно е исполенто со некој отров.

ЕМИЛИЈА: Никола претеруваш. Зошто би го направила тоа кога веќе знае дека си одам.

НИКОЛА: За да те убие, нели разбираш.

ЕМИЛИЈА: Дај ми ја за да ти докажам.

НИКОЛА: Не јас ќе ти докажам. (Загризува еден залак)

ЕМИЛИЈА: Ете гледаш, не се случи ништо, кога веќе го јадеш да ти дадам и сок. (само што го кажа последниот збор Никола се струполи на подот и го испушти лепчето од рацете)

ЕМИЛИЈА: Никола! Никола! (го прегрнува) Помош! Никола!!

УТРЕ СЛЕДУВА НОВО ПРОДОЛЖЕНИЕ

уште 2 епизоди од крајот